Pautas educativas
Ola!!
Xa que nestes tempos de confinamento o tempo que pasamos cos nenos na casa pode dar lugar á desorganización das pautas de crianza que levamos cos nenos, neste post deixovos unhas pautas educativas básicas que vos poden axudar a mellorar a convivencia cos nenos e a que estes sexan máis obedientes e responsables.
PAUTAS
EDUCATIVAS BÁSICAS
- As pautas son principios e estratexias
xerais para educar. Son como as regras de xogo que hai que respectar na
educación dos fillos.
- Non son
receitas concretas para solucionar problemas concretos, pero si vos axudarán a
orientarvos a tomar decisións e en moitos casos,
1. Acordo entre
a parella
- Esta é a
principal pauta educativa. O neno ou a nena ten que recibir o mesmo mensaxe de
papá e de mamá. Cada un poderá ter o seu propio sinal, pero finalmente a mensaxe
educativa, as normas e límites, teñen que ser os mesmos. Se o neno ou a nena
recibe mensaxes contraditorias, primeiro desconcertarase, despois tentará sacar
partido ao desacordo.
- Hai que
evitar desautorizar o que calquera membro da parella dixo diante do neno,
evitar discutir as normas diante deles, criticarnos con eles presentes ou
incumprir os acordos dicindo que non se decate papá ou mamá. Noutros casos, o
desacordo maniféstase cando un dos membros se desentende e é o outro o que ten
que asumir todo o peso da tarefa de educar.
- O acordo
supón que tedes que negociar, reflexionar xuntos até tomar as mellores
decisións, en definitiva ir a unha.
2. Ser un
exemplo positivo
- Os pais, queirádelo ou non, sodes sempre o
exemplo e o espello no que se reflicten os nenos. Obsérvanvos sempre e sempre
aprenden das vosas actitudes, reaccións ou de como resolvedes determinadas
situacións.
- Como pais,
estades obrigados a ser un exemplo positivo para os vosos fillos, porque do
voso exemplo aprenderán, para ben ou para mal.
3. Ensinanza
directa
- A mellor
forma de educarlles é ensinarlle directamente o que queredes que fagan, como
desexades que se comporten ou actúen en determinadas situacións.
- A gran
maioría dos pais utilizades esta técnica para ensinar aos vosos fillos, desde
ben pequenos, por exemplo, o significado dos semáforos. O mesmo podedes facer
con outras normas, costumes e actitudes.
4. Dispoñer de
normas e límites
- Os nenos
deben dispor dunhas normas e límites claros e concretos. As normas e límites
son como as regras de xogo dentro das cales poden actuar. As normas dan
seguridade e ademais forman parte do funcionamento básico da nosa sociedade e
da nosa cultura.
- Adoitan estar
referidas á propia seguridade, a rúa crúzase collido da man; respecto a tempos
e horarios, despois do parque vén o baño; relación coas persoas, coidado de
obxectos, etc.
- Estarán
adaptadas á idade, á capacidade de cada neno e ás circunstancias.
5. Adoptar
medidas si se incumpren as normas
- Se os pais
establecedes unhas normas e límites estades obrigados a ser coherentes e
procurar o seu cumprimento. Se non cumpren as normas debedes adoptar medidas
para que o seu incumprimento teña consecuencias.
- Se non hai
consecuencias, as normas e os límites deixan de ser efectivos, disípanse e
perden a súa función. Pero peor aínda é cando de forma arbitraria, unhas veces
teñen consecuencias e outras non.
- As medidas
que se adoitan adoptar cando as normas incúmprense serán progresivas e poden
ser chamar a atención, rifar, reparar os danos, condicionar o poder realizar
determinadas tarefas na casa...
6. Reforzar as
conductas axeitadas
O reforzo positivo das condutas e actitudes
adecuadas é unha das medidas educativas máis eficaces. Cando reforzades, pondes
toda a vosa atención na conduta adecuada e enviádeslle a mensaxe de así é como
esperamos que actúes a próxima vez.
- As formas de
reforzar son variadas. Unha das máis eficaces adoita ser prestar especial
atención ao comportamento adecuado. Curiosamente moitos pais confesades prestar
máis atención aos vosos fillos cando o comportamento é inadecuado.
- O eloxio e a
aprobación tamén é moi efectivo. O mesmo sucede con asociar o feito de gozar de
determinados privilexios, actividades ou obxectos a comportamentos adecuados:
ata que non fagas isto, non podes facer o outro, é unha boa medida.
7. Falar co
neno ou coa nena
- Hai que
comezar sempre tratando de falar e razoar con eles. As normas e límites non son
caprichos persoais, teñen a súa razón. A maioría dos nenos adoitan acatalas
cando se lles razoa.
- Falar con
eles, explicarlles os motivos da actuación, o que se espera deles, é unha pauta
fundamental.
8. Educar con
afecto
- As relacións
cos fillos son basicamente afectivas. O afecto e a súa demostración debe estar
sempre presente nas súas distintas manifestacións: abrazos, bicos, caricias
pero tamén é afecto escoitarlles, dedicarlles tempo, ter detalles, ter
paciencia.
-Pero querelos
non é darlles todo o que piden. O afecto non exclúe que se adopten medidas, que
se lles corrixa, que se lles esixa ou que se lles adestre en que certas cousas
necesitan esforzo para conseguirse.
Comentarios
Publicar un comentario